Aik yaadgar lamha janab Barrister Asaduddin Owaisi sahib se mulaqat
✍🏻Khama bakaf Muhammad Aadil Arariavi
-----------------------------------------------------
Alhamdulillah aaj ka din mere liye nihayat khushi wa sharaf ka baais raha kyunke mujhe aik azeem rehnuma mudabbir siyasatdaan aur ummat-e-Muslima ki awaaz janab Barrister Asaduddin Owaisi sahib se bilmushafa mulaqat ka aizaz haasil hua.
Yeh purnoor lamha Bhimbra Chowk Jokihat Araria (Bihar) mein us waqt naseeb hua jab Owaisi sahib ne apne khusoosi daure ke dauran wahan qadam ranja farmaya.
Janab Owaisi sahib ki shakhsiyat apne andar ilm tadabbur deeni ghairat aur siyasi baseerat ka haseen imtezaaj hai. Un ki baton mein woh asar hota hai jo dilon ko jhanjhod deta hai aur ummat ko bedari ka paigham deta hai.
Un se mil kar aisa mehsoos hua jaise kisi bahadur sipahi se mulaqat ho rahi ho jo na sirf zuban se haq bolta hai balkay amal se bhi baatil ko lalkarta hai.
Yeh lamha mere dil mein hamesha zinda rahega. Dua hai ke Allah Rabb-ul-izzat Owaisi sahib ko salamat rakhe un ke mission ko kamyabi ata farmaye aur humein bhi haq ke raste par chalne ki taufeeq de. Aameen summa aameen ya Rabb-ul-aalameen.