*Sadiya Fatima Abdul Khaliq*
Nanded Maharashtra
8485884176
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*Ummat-e-Muslima ko Irtidad se Rokne Hamari Zimmedariyan*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Tamam tareefein Allah ke liye hain aur sari ne'matein usi ki di hui hain Quran mein hai ,, Innal lazeena artaddu 'ala adbaarihim,, (Muhammad: 25) Beshak jo log apni pushton par laut gaye, ۔۔۔۔
Patthar aur patton ke zamane se shuru ho kar insaan ne Chat GPT aur Artificial Intelligence tak ka safar tai kiya hai, tab se le kar aaj tak ke safar mein jo jiddo jehad rahi hai woh yeh hai ke hamesha sahi aur galat ki jang mein sadiyan guzar gayi, na sirf yeh balki sinf-e-nazuk ko nishana bana kar kamyabi hasil ki ja rahi hai, Habil aur Qabil ke zamane se le kar ,,Co-education,, ke bahane se nasl-e-nau ko murtad karwane tak ka fasla tai hua hai, maujuda daur jadeed technology ke naam par sirf fitnon ka daur hai, har din naye naye fitne zuhoor pazeer ho rahe hain, jo sirf dilon se Islam ko door karne ki chalakiyan kar rahe hain, Islam ke mukhalif quwatein muttahid ho kar zor aazmai mein masroof tareen hain, yeh bahut soch samajh kar banaye gaye mansoobe hain, jis mein sinf-e-nazuk ko nishana bana kar kamyabi ke zeene tai kar ke kaane dajjal ke liye raaste hamwar kar rahe hain, saath hi saath naujawano ko bhi lapet mein liya ja raha hai, sab se aasaan zariya social media mein masroof karwa kar namaz roze se door karwaya ja raha hai, Quran ki taleemat se door karwaya ja raha hai, Aap Sallallahu Alaihi Wasallam ke bataye gaye usoolon se door karwaya ja raha hai, akhlaqi taleem se door karwaya ja raha hai, huquq ul ibaad se door karwane ke liye unhein naye naye tez raftaar applications mein uljhaya ja raha hai, jab yeh mukammal isi mein doob jayein to aasaan harba, kaari zarb laga kar unhein mazhab se hataya ja raha hai, is ki shuruat kahan se ho rahi hai yeh kabhi hum ne gaur nahi kiya hai, aakhri marhale mein lakeer peet kar zimmedari nibhane ki koshish karte hain , hamein chahiye ke is ki shuruat ki rok tham ke liye kahan se safar shuru karein is baat par tawajjah dein, na ke wawela karne par ۔۔۔۔۔۔
Samaj ke log Allah Ta'ala ke qayam karda hudood ki kitni pabandi kar rahe hain, is par gaur karna hamari bunyadi zimmedari hai, jab sharai hudood aur pabandiyon ka khauf khatam ho jata hai to is ke bahut sangeen nataij samne aate hain, ۔۔۔۔۔۔ kaane dajjal ki aamad ke daur mein yeh ek bahut bada challenge hai, hum koshish to karein ke is irtidad ko rokne ke liye hum kya kar sakte hain, waqt ke rehte iqdamaat tai kar lena chahiye,
Ma'ashre ko aazad khayali se bachana hai, ma'ashre mein phailti hui buraiyon ko rokne ke liye kya karein is bare mein sochein ke aaj hamein Islami nizam-e-hayat ko bachana hai ۔۔۔۔ aaiye hum apni nai nasl ka imaan bachane apne ghar se hi shuruat karein, ۔۔۔۔۔ sab se pehle apne bachon ko school mein dakhile ke waqt hi school ki tareekh kya kehti hai, nazar sani kar lein, school ke maujood hazraat ke rawaiyon ko note karein, Angrezi medium ke bajaye larkiyon ko Urdu medium par tarjeeh dein, larkon ke liye Angrezi medium agar zaroori hi ho to school ke mahol aur taleemi sargarmiyon par tawajjah dein,
School mein din ke ibtedai lamhaat mein kis tarah deen se hata rahe hain note karein, aur bachon ko ghar par pabandi se rozana deeni dars diya karein, asri taleem ke saath saath deeni taleem par mukammal tawajjah dena behad zaroori hai, larkiyon ke liye qareeb ke madrese ko tarjeeh dein, agar is madrese ko zehen qubool na karein to bachpan se hi un ke liye tawajjah dein ke yeh kis tarah se school tak ka safar tai karne wali hai, umar ke lihaz se larke aur larkiyon ko galtiyon par daant dapt karein, ustad ko bhi daante ka ikhtiyar dein, beeja laad pyar na karein, un ki har zidd poori na karein kuch ko adhoori rehne dein, baat be baat par khauf dilayein ke galti par gunah ki saza deen-e-Islam ne kin baton par kya kya rakhi hai, har lamha khuda ka khauf dilayein, Aap Sallallahu Alaihi Wasallam ki taleemat ke kuch pehlu rozana ghar par dohraaya karein, , larkiyon ko sinn-e-bulughat mein pahunchte hi parde ki pabandi par zor dein, ghar mein khandan ke naujawan larkon ki aamad par pabandi lagayein, bahut soch samajh kar college aur courses ka intekhab karein, college, school, tuition ki zimmedari larkiyon ke liye walid khud nibhayein ke kabhi akele safar na karna pade, padhane wale ustad par bhi apna dabdaba rakhein , walidain ki ghair maujoodgi mein ghar se bahar qadam par larkiyon par pabandi lagayein, mobile ka istemal walid ya walida ke cell phone se karayein, aur woh bhi kuch minute mukhtas kar dein, online taleem bhi walidain ke phone se rakhein, jaib kharch ke liye paise dein to mukammal hisab lein, school aur college ki fees walidain khud ja kar mukammal karein, saheliyon par bhi nazar rakhein ke yeh kis qism ki dosti par hai, larkon par bhi nazar rakhein ke kis tarah ke dost ahbab rakhe hain, un ke dost ahbab se walidain milte raha karein, larkiyon ne kisi bhi tarah se ghair Muslim larkiyon se dosti na karein, kisi bhi saheliyon ki dawatein na karein, agar kisi dawat mein jana zaroori ho to walida khud saath rahein, khandan se hat kar koi dawat attend na karwayein, zaroorat se zyada makeup par pabandi lagayein, khas kar libaas par tawajjah dein, chust kapde na pehanne dein, burqe ke naam par fashion na karwayein, gaadi seekhna ho to walid ne sikhayein, bachiyon ke zor se qehqahe lagane par aitraz karein, unchi aawaz mein baat na karne dein, nisaab ke alawa bhi unhein deeni, akhlaqi wa aiteqadi kutub padhne ke liye la kar dein, in kutub par debate type baat cheet bhi rakhein, Islami nikaat par baat cheet ke dauran un ke jawab par hausla afzai zaroor karein, unhein tohfe tahayef aur inaam bhi dein taake, woh diljoi se mutala'a kar sakein, ghar ke buzurgon ke qisse sunayein, koi baat bigad jaye to mohabbat se suljhayein, sakhti baratne par maamla bigad bhi sakta hai, bahar ke khaufnak halaat se aagah karate rahein, walidain apni tarbiyat ki zimmedari samajh kar har chhoti baat ko ahmiyat dein to koi larki koi larka be behra nahi hoga, hamein maujuda halaat mein nai nasl ko bachana hai, un ke mustaqbil ko mehfooz karna hai, Allah nai nasl ko is muhlik bimari se bachaye, ghair ke shikanje se mehfooz rakhein, Surah Al-Mumtahana ki ayat number terah ka tarjuma padhayein ke ۔۔۔۔۔۔۔۔ ,, Aye imaan walo! is qaum se dosti na karo jin par Allah ka ghazab hua ho woh to aakhirat se aise naa umeed ho gaye ke jaise kafir ahl-e-quboor se naa umeed ho gaye,,
، ghar mein hamesha deeni mahol rakhein ،
Allah Ta'ala hamein imaan ki qadar karne ki taufeeq ata farmaye, Allah hamare ilm o amal ko qubool farmaye aur Allah hum sab se raazi ho jaye Aameen,