ہم خوار ہوۓ تارک قرآں ہوکر 

 ــــــــــــــــــــــــــــــــــــــــــــــــــــ

✍🏻Gul Riza Rahi Arrariawi
 ـــــــــــــــــــــــــــــــــــــــــــــــــــــــ

Tere zamir pe jab tak na ho nuzool-e-kitab 
Girah kusha hai, na Razi na Sahib Kashaf

        Quran Kareem Allah Taala ka woh kalam hai jise Ummul Kitab kaha gaya aur jis ki aayatein pur maghz, pur asar aur maani khaiz hai, jis mein logon ke liye hidayat ke asbab 
maujood hai, jis mein tamam masail ka hal hai, jis ke padhne aur tilawat karne mein ek alag hi lutf hai -

     Is ko hifz yaad karna aur is ko dil mein mehfooz rakhna sarapa ajr o sawab hai, is ki misal is khushbu ki hai jo dibbiye mein ho agar is ke dhakkan khol diya jaye to is ke ird gird tamam log khushbuon se muattar o lala zar hote hain aur agar band ho to yeh khud sahib e itr ki husn e zauq aur mizaj ki latafat ki wazeh daleel hai, ba'ainhi ek hafiz e Quran agar Quran hifz karta hai, is ki tilawat karta hai to atraaf o aknaf ke log is ki barkaton se lutf andoz hote hain, agar khamosh rahe ya neend mein rahe to sahib e Quran ke liye yeh baais e fazilat hai ke is ka dil Quran jaisi azeem ush shan kitab se wabasta aur marboot hai-

Quran ki ahmiyat o fazilat khud aayat o asaar ki roshni mein wazeh o ayaan hai -
   Isi liye aap Sallallahu Alaihi Wasallam ne farmaya ke 
"Khairukum man ta'allamal Qur'ana wa 'allamahu" 
Tum mein behtareen shakhs woh hai jo Quran seekhe aur sikhaye
Quran ki mehfil duniya sab se behtareen mehfil hain, aisi sarapa barkat aur Allah Taala khas inayat hoti hai- 
      Quran Kareem ki tilawat mein Allah Rabbul Izzat ne woh lutf rakhi hai Musalman is ki tilawat musalsal karte hain ek martaba pura ho jata hai to dobara is ko shuru kar dete hain lekin padh kar uktate nahin hain, boriyat mehsoos nahin karte,
is ki aayaton ko padh qalbi sukoon aur rooh ko tamaniyat se deta hai 
batin ki safai hoti hai, qalb Rab ki taraf mutawajjeh hota hai,
     tilawat karne wala Allah Taala barah e rast kalam karta hai, is ki aayaton mein shifa hai jis ki khud un shifaun wa rahmatul lil mu'mineen, wa shifaun lima fis sudoor, feehi shifaun lin naas jaisi aayat se hoti hai,
Quran Kareem roohani o jismani dono ke amraz ke shifa hai aur zeher ke liye tiryaq bhi 
   Yeh kitab hidayat hai jis se sainkdon logon ne manzilein pai, sainkdon logon ki zindagi mein inqilab aaya -
   Jis zat e aqdas par yeh kitab nazil hui unhon ne isi kitab ke zariye ek aise afraad ko tayyar kiya jo har tarah ausaf e hamida ka paikar thi 
Quran jaisi koi kitab na pehle thi aur na baad mein ho sakti hai, be shumar logon ne is jaisi kitab tayyar karne koshish ki par woh aajiz o qasir rahe
 
Kyun ke hadees e qudsi hai 
Fazlu kalamillahi ala sairil kalam ka fazlullahi ala khalqihi 
Hazrat Umar bin Khattab Razi Allahu Anhu se marwi hai Nabi Kareem Sallallahu Alaihi Wasallam ne irshad farmaya 
Innal lazi laisa fi jaufihi shai'un minal Qurani kal baitil kharib 
Jis ke dil mein Quran ki ek aayat bhi na ho woh veeran ghar
 ki tarah hai
(Mishkat Shareef jild bab fazailul Quran)
   Quran Kareem sarapa hidayat is ke maani woh alfaz dono asar andaz hote hain 
   Humein chahiye hum Quran Kareem ko khud ko wabasta rakhein, tabhi ja kar hum duniya mein ek muazziz qaum ban sakte hain, warna hum zamana mein ruswa hote rahenge 
   Isi ko shayar e mashriq Allama Iqbal ne kaha tha 
   Woh muazziz the zamane mein Musalman ho kar
   Aur hum khwar hue tarik e Quran ho kar