- Har choti shay ek roz barhti hai, aur apna asal rang dikhati hai.
Barish pehle boondon ki shakal mein barasti hai, phir musladhar hoti hai.
Sher ki zahanat aur shujaat uski sighr sani mein muzmir hoti hai.
Ek ek lakriyan ikattha karke gatthar banta hai.
Lehaza jise hum samajhte hain chota hai, uska anjam bara asar rakhta hai.
Aaj hamara haal yeh ho chuka hai, ke gunahon ki qabahat hamari nigahon mein baqi nahi rahi. Khususan saghira gunah ko hum ne gunah ki fehrist se hi nikal diya hai.
Lekin ek baat samajh lo!!! Quran o Hadees ne hamein yeh to bata diya ke falaan gunah kabira, falaan gunah saghira, lekin iske asraat aur nataij ka ilm Allah ne hamein nahi diya hai. Lehaza ho sakta hai ke, kisi chote gunah ka anjam itna wehshat nak ho jitna kabira ka nahi hota.
Misal: Baaz martaba lakriyon ka gatthar jala dene se koi farq nahi parta... aur machis ki ek lakri jala dene se puri basti asarandaz ho jati hai, jal jati hai. Yahi haal hai hamare gunahon ka.
:Imam Baqir apne bete ko nasihat farmate hain
,YA BUNAYYA !! INNALLAHA KHABA'A SALASATA ASHYA'A FI SALASATA ASHYA'A
⚫ KHABA'A RIDAHU FI TA'ATIH, FALATAHQIRANNA MINAT TA'ATI SHAI'AN FAL'ALLA FIHI RIDAHU
⚫ WA KHABA'A SAKHATAHU FI MA'SIYATIH FALA TAHQIRANNA MINAL MA'SIYATI SHAI'AN FAL'ALLA FIHI SAKHATAHU
⚫ WA KHABA'A AULIYAA'AHU FI KHALQIH FALA TAHQIRANNA AHADAN FAL'ALLAHU ZALIKAL WALIYYU.
Chunanche kisi neki ko mamuli samajh kar chor dena bari himaqat hai, isi tarah kisi gunah ko chota samajh kar, kar lena bari bewaqufi hai.
Tu samajhta hai jo zarra yeh woh zarra nahi
Tu samajhta hai jo qatra yeh woh qatra nahi
Yeh woh zarra hai jo tufan bhi la sakta hai
💞Yeh woh qatra hai jo darya bhi baha sakta hai
Al-Azmiya: ✍🏻
WALLAHUL MUSTA'AN