ختam-e-Quran Chanda, Hadiya aur Huffaz-e-Kiram
✍🏻Gul Raza Rahi Arariavi
ــــــــــــــــــــــــــــــــــــــــــــــــــــــــــــــ
Mah-e-Ramzan mein Tarawih ek aham ibadat samjhi jati hai, jis mein Quran ki tilawat hoti hai aur har khas-o-aam is ki qiraat-o-tilawat se lutf andoz hote hain, woh log jo Quran padhna nahi jante aur na hi unhen ba-zabta Quran sunne ka mauqa milta hai, Tarawih ki barkat aur Hafiz-e-Quran ki mehnat se unhen bhi Quran ki barkatain naseeb hojati hain-
Tarawih ek aham ibadat hai jis ki nekiyon se tamam saadatmand momin lutf andoz hote hain
Lekin; guzasta chand baras se takmeel-e-Quran ke mauqa par kuch ajeeb-o-ghareeb surat-e-hal paida hogayi hai,
Takmeel-e-Quran ke mauqa par kuch nayi khurafat aam hogayi hain, jin mein Quran aur Hafiz-e-Quran ke naam par chanda jama karna hai, pure ilaqa mein shor-o-hangama barpa karte hain, baaz ilaqa mein ghar ghar auraton se bhi chanda ikattha kiya jata hai, jis ka maazi mein koi saboot nahi milta aur na hi aql-o-naql aur aayat-o-asar se is ka saboot milta hai, Hadiya-o-tahaif diye jate hain, mithaiyan taqseem hoti hain, masajid mein shor-o-hangama hota hai, masjid ki be-hurmati hoti hai, yeh tareeqa kisi bhi tareeqe se sahih nahi hai aur taweel ki bhi gunjaish nahi hai-
Aaj kal tanzili ka yeh daur hai ke Hafiz-e-Quran ko Ramzan ke liye dulha banaya jata hai, baaz ilaqa mein un ki qeemat lagayi jati hai, das hazar, pandrah hazar, bees hazar is ki boli lagayi jati hai, Hafiz-e-Quran bhi majburi ki wajah se na sunaye to Quran bhool na jaye is dar se kahin jagah mil jati hai to woh is ko qubool karte huwe Tarawih sunane aur Quran ko sine mein mehfooz rakhne ke liye Ramzan ke muqaddas mahine mein bhi ghar chhod kar door daraz ke ilaqa ka safar karte hain -
Lekin; awam is ka jo sila deti hai woh Hafiz-e-Quran ko ruswa kardeti hai, dene ka tareeqa bhi ghalat aur jo Hadiya dete hain woh is ki tauheen ke liye kafi hai-
Hafiz-e-Quran ki izzat bhi sirf isi mah mein hoti hai, salam-o-dua isi mah mein hoti hai, Tarawih jis din khatm hoti hai, agle din Hafiz ki izzat pehle ki tarah hojati hai, un ki khabar giri karne wala koi nahi hota hai, Tarawih ke mauqa par jab raqim ne yeh sawal uthaya ke aap Tarawih mein Hafiz-e-Quran ko paisa kyun dete hain? to ek sahib ne jawab diya ke taake Hafiz ka hausla badhe yeh itna bhonda jawab hai jis ki koi nazeer nahi, main ne kaha agar ilaqa mein koi Hafiz-o-Aalim bimar pad jaye to aap un ki ilaj karke hausla kyun nahi badhate, unhen koi khas zarurat pad jaye to un ki taawun karke un ka hausla kyun nahi badhate, yeh chhodiye ghair Ramzan mein kuch apni taraf se Hadiya kyun nahi dete taake hausla badhe to woh sahib khamosh murti ban gaye
Hamen kuch ahbab ke tawassut se yeh shikayaten bhi mausool huwi ke baaz ilaqa mein khana bhi khud Hafiz sahib ko banana padta hai kitni afsos ki baat hai aur kuch ilaqa mein Hadiya itna milta hai ke aamad-o-raft ka kiraya bhi mushkil se ho pata hai, yeh surat-e-hal Ramzan mein Tarawih sunane wale Huffaz-e-Kiram ka hai-
Kuch hamare hazrat bhi is mein ghaflat karte hain jis ki wajah se unhen woh maqam nahi milta jo un ka haq hai -
Kya hi achha ho ke Hafiz-e-Quran thoda apne dil par patthar rakhen, pure saal jis tarah sabr-o-tahammul se kaam lete hain isi tarah is mah mein bhi sabr ka muzahira karen aur Tarawih ke mauqa par milne wale raqumat-o-hadaya aur tahaif se sirf-e-nazar karte huwe takmeel-e-Quran ke mauqa par hone wale chande pe rok lagayen -
Hadiya-o-tahaif lene se mana karden aur jagah ki fikar na karen, jagah na milne ki surat mein apne ghar pe apne ahl-e-khana ko Tarawih sunayen to awam ke dil mein mazeed qadar badhe gi aur aap khul kar awam ke samne haq baat rakh sakenge -
Apni kuch mufad ki wajah se hum awam-un-nas ke samne kuch bolne se katrate hain -
Alhamdulillah teen saal se raqim aasi takmeel-e-Quran par hone wale chande ke khilaf khada hai, is ke raqam ko lene se mana kar raha hai -
Is liye; ab yeh aajiz jagah ki bilkul bhi fikar nahi karta kyunke zehen mein rehta hai ke ghar pe sunayenge
Agar tamam Huffaz ki yeh soch ban jaye to phir Hafiz ki qadar-o-qeemat mein izafa hoga
Aur awam un ko qadar ki nigah se bhi dekhe gi-
Allah Taala hum sab ko Quran aur sahib-e-Quran ki tazim karne ki toufiq ata farmaye
✍🏻Gul Raza Rahi Arariavi
ــــــــــــــــــــــــــــــــــــــــــــــــــــــــــــــ
Mah-e-Ramzan mein Tarawih ek aham ibadat samjhi jati hai, jis mein Quran ki tilawat hoti hai aur har khas-o-aam is ki qiraat-o-tilawat se lutf andoz hote hain, woh log jo Quran padhna nahi jante aur na hi unhen ba-zabta Quran sunne ka mauqa milta hai, Tarawih ki barkat aur Hafiz-e-Quran ki mehnat se unhen bhi Quran ki barkatain naseeb hojati hain-
Tarawih ek aham ibadat hai jis ki nekiyon se tamam saadatmand momin lutf andoz hote hain
Lekin; guzasta chand baras se takmeel-e-Quran ke mauqa par kuch ajeeb-o-ghareeb surat-e-hal paida hogayi hai,
Takmeel-e-Quran ke mauqa par kuch nayi khurafat aam hogayi hain, jin mein Quran aur Hafiz-e-Quran ke naam par chanda jama karna hai, pure ilaqa mein shor-o-hangama barpa karte hain, baaz ilaqa mein ghar ghar auraton se bhi chanda ikattha kiya jata hai, jis ka maazi mein koi saboot nahi milta aur na hi aql-o-naql aur aayat-o-asar se is ka saboot milta hai, Hadiya-o-tahaif diye jate hain, mithaiyan taqseem hoti hain, masajid mein shor-o-hangama hota hai, masjid ki be-hurmati hoti hai, yeh tareeqa kisi bhi tareeqe se sahih nahi hai aur taweel ki bhi gunjaish nahi hai-
Aaj kal tanzili ka yeh daur hai ke Hafiz-e-Quran ko Ramzan ke liye dulha banaya jata hai, baaz ilaqa mein un ki qeemat lagayi jati hai, das hazar, pandrah hazar, bees hazar is ki boli lagayi jati hai, Hafiz-e-Quran bhi majburi ki wajah se na sunaye to Quran bhool na jaye is dar se kahin jagah mil jati hai to woh is ko qubool karte huwe Tarawih sunane aur Quran ko sine mein mehfooz rakhne ke liye Ramzan ke muqaddas mahine mein bhi ghar chhod kar door daraz ke ilaqa ka safar karte hain -
Lekin; awam is ka jo sila deti hai woh Hafiz-e-Quran ko ruswa kardeti hai, dene ka tareeqa bhi ghalat aur jo Hadiya dete hain woh is ki tauheen ke liye kafi hai-
Hafiz-e-Quran ki izzat bhi sirf isi mah mein hoti hai, salam-o-dua isi mah mein hoti hai, Tarawih jis din khatm hoti hai, agle din Hafiz ki izzat pehle ki tarah hojati hai, un ki khabar giri karne wala koi nahi hota hai, Tarawih ke mauqa par jab raqim ne yeh sawal uthaya ke aap Tarawih mein Hafiz-e-Quran ko paisa kyun dete hain? to ek sahib ne jawab diya ke taake Hafiz ka hausla badhe yeh itna bhonda jawab hai jis ki koi nazeer nahi, main ne kaha agar ilaqa mein koi Hafiz-o-Aalim bimar pad jaye to aap un ki ilaj karke hausla kyun nahi badhate, unhen koi khas zarurat pad jaye to un ki taawun karke un ka hausla kyun nahi badhate, yeh chhodiye ghair Ramzan mein kuch apni taraf se Hadiya kyun nahi dete taake hausla badhe to woh sahib khamosh murti ban gaye
Hamen kuch ahbab ke tawassut se yeh shikayaten bhi mausool huwi ke baaz ilaqa mein khana bhi khud Hafiz sahib ko banana padta hai kitni afsos ki baat hai aur kuch ilaqa mein Hadiya itna milta hai ke aamad-o-raft ka kiraya bhi mushkil se ho pata hai, yeh surat-e-hal Ramzan mein Tarawih sunane wale Huffaz-e-Kiram ka hai-
Kuch hamare hazrat bhi is mein ghaflat karte hain jis ki wajah se unhen woh maqam nahi milta jo un ka haq hai -
Kya hi achha ho ke Hafiz-e-Quran thoda apne dil par patthar rakhen, pure saal jis tarah sabr-o-tahammul se kaam lete hain isi tarah is mah mein bhi sabr ka muzahira karen aur Tarawih ke mauqa par milne wale raqumat-o-hadaya aur tahaif se sirf-e-nazar karte huwe takmeel-e-Quran ke mauqa par hone wale chande pe rok lagayen -
Hadiya-o-tahaif lene se mana karden aur jagah ki fikar na karen, jagah na milne ki surat mein apne ghar pe apne ahl-e-khana ko Tarawih sunayen to awam ke dil mein mazeed qadar badhe gi aur aap khul kar awam ke samne haq baat rakh sakenge -
Apni kuch mufad ki wajah se hum awam-un-nas ke samne kuch bolne se katrate hain -
Alhamdulillah teen saal se raqim aasi takmeel-e-Quran par hone wale chande ke khilaf khada hai, is ke raqam ko lene se mana kar raha hai -
Is liye; ab yeh aajiz jagah ki bilkul bhi fikar nahi karta kyunke zehen mein rehta hai ke ghar pe sunayenge
Agar tamam Huffaz ki yeh soch ban jaye to phir Hafiz ki qadar-o-qeemat mein izafa hoga
Aur awam un ko qadar ki nigah se bhi dekhe gi-
Allah Taala hum sab ko Quran aur sahib-e-Quran ki tazim karne ki toufiq ata farmaye