Aik boorhay joray ki shadi ko 50 saal ho gaye thay. Un ke darmiyan koi raaz nahi tha, siwaye aik joote ke dibbay ke, jo shohar ne apni almaari ke oopar rakha hua tha aur biwi ko usay kholnay se mana kya hua tha.
Aik din shohar bohat bemaar ho gaya aur usay laga ke ab woh nahi bachay ga. Us ne biwi ko ijazat di ke woh woh dibba neechay utaaray.
Biwi ne dibba khola to heran reh gayi!
Is mein sirf 2 anday aur 50 lakh rupay cash para tha. 💵🥚🥚
Biwi ne poocha: "Yeh 2 anday kis liye hain?"
Shohar ne kamzor aawaz mein kaha:
"Dekho Begum! Hum ne 50 saal sath guzare. Mein ne ehad kya tha ke jab bhi mujhe tum par bohat shadeed ghussa aaye ga aur mein kuch keh nahi paon ga, to mein chupkay se is dibbay mein aik anda rakh doon ga."
Biwi ki aankhon mein aansu aa gaye. Us ne socha ke 50 saal mein sirf 2 anday? Is ka matlab hai ke mera shohar mujh se sirf do baar naraaz hua. Woh bohat jazbaati ho gayi aur pyar se boli:
"Aap kitnay achay hain! 50 saal mein sirf 2 baar ghussa aaya? ... Acha yeh batayen yeh 50 lakh rupay kahan se aaye?"
Shohar ne masoomiyat se jawab diya:
"Bas kya bataon Begum... jab andon se dibba bhar jata tha to mein anday bech kar paisay is mein rakh deta tha!"
😄😆😝😁🤣😂😀
#Manqool
────