Mujhe kabhi kabhi mard zaat ki zindagi pe bohut taras aata hai
Mard dunya ki woh wahid zaat hai jis ko Allah ne sab se zyada himmat aur hausle se nawaza hai, mard apni saari zindagi dusron ko khush karne mein laga deta hai
Aur apni khushi bhi dusron ki khushi mein dhoondta rehta hai.
Jaise hi beta paida hota hai to yahi kaha jata hai ke hamara waris bane ga hamein sambhale ga ghar sambhale ga kaam kare ga sahara bane ga
Mard ki zindagi thakan se shuru ho kar thakan pe khatam ho jati hai
Zara sa hosh sambhala to maa baap ke liye kamane nikal gaya
Behnein jawan hui to behnon ki shadiyon ke liye paisa kamata aur jama karta raha
Apni shadi bhi apne hi kamaye paison se kardi uske baad mazeed pehle se zyada kamane ki sochna shuru kardena ke ghar hai maa baap hai biwi hai bachche hain phir in sab ke liye kamane laga.
Aur masoom itna ke aulaad ki kamyabi pe hi apni thakan ko door kardiya
Phir kamane laga aulaad ko padhane ke liye inka mustaqbil banane ke liye.
Sach mein kitni thakan bhari zindagi hai
Aur woh log jinke yahan mulazimeen hain khudara inke saath narmi aur shafqat se pesh aayen kyunke jo aapke ghar ka naukar hai woh apne ghar ka malik hai.
Ayesha ❤