وہ میرے غزہ کے بچوں کی ایک آس ۔
وہ میرے لاچار بوڑھوں کی امید و یاس سے بھری نظریں ۔
وہ سسکتے ہوئے بچوں کی ابھرتی ہوئی آہیں ۔
وہ بھوک و پیاس سے نڈھال ہوتے جسم ۔
ان کی بھوک، امید بھری اٹھی ہوئی نظریں کسی مسلم حکمران کو جھنجوڑ سکیں، کسی مرد کو بیدار کر سکیں، کسی جوان کو محمد بن قاسم کی تاریخ دہرانے پر مجبور کر سکیں، کسی حکمران کو ارسلان کی گرجدار آواز بننے پر مجبور کر سکیں۔
کیا میں اس بات پر افسوس کروں کہ ہم مسلمان اتنی تعداد میں ہیں؟
یا اس بات پر نوحہ کروں کہ آج ہم بے یار و مددگار ہیں؟
سنانے کے لیے الفاظ نہیں، اب تو الفاظ بھی بے معنی لگتے ہیں۔
صبح و شام میرے بچوں کی آہ و سسکیاں بھی مجھے جھنجوڑ نہ سکیں،
میرے لاچار بوڑھوں کا درد مجھے جہاد پر ابھار نہ سکا،
عصمت دری ہوتی خواتین کی چیخیں بھی مجھے تلوار اٹھانے پر مجبور نہ کر سکیں۔
میں نے یورپ کا پڑھایا ہوا امن کا سبق سینے سے لگائے رکھا۔
میں اس بات کو بھول گیا کہ امن کے لیے بھی تلوار کی ضرورت پڑتی ہے۔
میں نے مسلم امہ کے خوابوں کو چکنا چور کرتے ہوئے یہ نہ سوچا کہ مظلومین کی نظریں میری طرف اٹھی ہوئی ہیں۔
میں ایک بے حس نوجوان ہوں جو غزہ کے درد کو نہ سمجھ سکا، نہ یاد رکھ سکا، نہ ان کے لیے تلوار اٹھا سکا اور نہ ہی بائیکاٹ کر سکا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بقلم
طوفان احمری