زندگی کبھی خوشیوں سے سجتی ہے اور کبھی آزمائشوں سے بھری ہوتی ہے۔ ہر سانس، ہر لمحہ، ہر مسکراہٹ اور ہر آنسو اللہ کی عطا ہے۔ جو شخص ہر حال میں الحمدللہ کہتا ہے، وہ نہ صرف نعمتوں کا شکر ادا کرتا ہے بلکہ مشکلات میں صبر، غم میں سکون اور دل میں امید پا لیتا ہے۔

اللہ تعالیٰ نے ہمیں زندگی، ایمان، صحت، علم، والدین کی محبت، رزق اور امن جیسی بے شمار نعمتیں عطا کی ہیں۔ مگر انسان اکثر ان کی قدر بھول جاتا ہے۔ ایک لمحے کی کمی، ایک سانس کا رک جانا، ہمیں یہ سکھاتا ہے کہ سب کچھ اللہ کی مہربانی اور فضل ہے۔ اسی شعور سے دل میں شکر پیدا ہوتا ہے، اور زبان سے نکلتا ہے: الحمدللہ۔

یہ لفظ ہمیں عاجزی سکھاتا ہے، دل کو سکون دیتا ہے اور روح کو خوشی بخشتا ہے۔ خوشی میں شکر، غم میں صبر، ہر حال میں اللہ کی رضا کو قبول کرنا ہی اصل شکر ہے۔ جو شخص ہر لمحہ الحمدللہ کہتا ہے، اللہ اس کے دل کو روشنی دیتا ہے اور زندگی کو برکتوں سے بھر دیتا ہے۔

🪶از:ح عائش✰